اليوم الجمعة والليلة زيارة سيد الشهداء الإمام الحسين صلوات الله وسلامه عليه الأربعينية ادعو الله أن ينتقم من كل ظالم يظلم هاي الناس الفقرة..
“اللهم أرنا قدرتك بالظالمين كما رأيناها في صدام”
أرنا قدرتك بالظالمين من الدينيين والسياسيين والناشطين.

ولا واحد يجيب الكاظمي بالطاري محد يحچي على سواياته بالناس الفقرة ابو لسان اليبلع حروف ويطشر الكلمات..

الجماعة -وما اريد احچي بيهم ولا عليهم- ما يحچون إلا من يكون رئيس مجلس الوزراء شيعي من حزب إسلامي!
لكن من يصير شيعي علماني لو من غير مذهب لو من غير ديانة ولا چنها الشغلة يمهم!

النواشيط كذلك ما الهم علاقة مو يم فقير ولا تعطيل دولة ولا فساد ولا هم يحزنون ملتهين بشغلة الحشد الشعبي شايلينة على روسهم ويفترون بيه يدورون عليه الزلات..
الوطن ما يعنيلهم عيشة الفقير، ولا سرقة الميزانيات، ولا فلوس قانون الأمن الغذائي، ولا العاطلين عن العمل، ولا ولا..
شگال الحشد وشحط الحشد و”دودة” إيران..

الأحزاب السياسية مو يمها الشغلة ومنقسمة إلى فريقين:
شي متونسة
شي متشمتة
المتونس بفلوسنا، والمتشمت بحالنا!

بقت ملاحظة وحدة: من كتبت الكاظمي ابو الدولار طبعاً ما أقصد القرار الظالم برفع سعر صرف الدولار مقابل الدينار..
لا مو هذا قصدي، أقصد شيء ثاني..
لأن فعلاً ابو هية ابو الدولار والعاقل يفهم.