النائب حسن الكعبي يطلب بكتاب رسمي سحب يد لإحسان عبد الجبار من شركة نفط البصرة تالي يصير وزير نفط!
النائب امجد العقابي يفتح ملفات شركتي كار وقيوان بعد انتشار صور ابن احسان وية مدير الشركة تالي يصير احسان عبد الجبار مدير شركة النفط الوطنية بالاضافة لوزير النفط!
النائب هادي السلامي يطلب بكتاب رسمي سحب يد احسان عبد الجبار من وزارة النفط تالي يصير وزير المالية بالوكالة بالاضافة للنفط ولشركة النفط الوطنية!!
النواب يجتمعون بجلسة رسمية ويصوتون على اقالته من شركة النفط الوطنية تالي بعد اسابيع تداول كتب رسمية صادرة من شركة النفط الوطنية بتوقيع احسان عبد الجبار!!
ثم ان رئيس شركة النفط الوطنية احسان عبدالحبار يرفع طلب الى وزير النفط احسان عبد الجبار لتخصيص ميزانية لمشاريع الشركة ويقوم احسان عبد الجبار وزير النفط بمخاطبة احسان عبد الجبار وزير المالية واللي بدوره يرفعها لاحسان عبد الجبار رئيس اللجنة الوزارية حتى يوقعها ويعيدها لاحسان عبد الجبار اللي يحيلها لاحسان عبد الجبار واللي حيصدر امر وزاري لاحسان عبد الجبار بالموافقة عالصرف المالي.. شنو منو ومنو شنو؟!!!
تره دخت حيل ودوختكم
يابه جماعة الراسخون في العلم ماتحجولنه شيصير خلف الكواليس؟؟
الظاهر الحكومة بوادي والنواب بوادي والشعب بوادي الذئاب
ختاما اقترح الحل الاخير تسوون لإحسان عبد الجبار كتاب شكر وتقدير حتى الحكومة تسوي العكس .!!