#شتحس . . . من عايف شغلك وعملك وتركيزك صفر ، بس حاير بالنسوان ، عايف مرتك بگلبها حسرة تطلع وياها تاخذلها انت ملابس ، مخليها تفرفر وحدها وعينها ع شكو وحدة تمشي هي وزوجها بالسوگ وهي تلعن بيك بداخلها حيل .

#شتحس . . . من تغلط ع زوجتك گدام اهلك حتى تبين نفسك خوش زلمة ، هنا هي راح تعاقبك حيل ، بس ع طريقتها ووفق عقلها ، وانت افتهم ، شنو اكثر عقوبة تؤذي الرجل .

#شتحس . . . من شتگلك تگللها لا ، ما عندي ، خلصت ، وانت مخلصهن ارصدة وكوفيات .

#شتحس . . . من گاعد گبال بناتك وانت تراسل بوحدة ما تسوه دمعة من دمعاتهن بالمحكمة وانتم جاي تتطلگون !؟ .

#شتحس . . . من تكتشف بنتك عمره 13 وعندها علاقة سخيفة بسبب جهلك ومشاكلك ، واهمالك ، لبيتك ، لزوجتك ، لمسؤولياتك بسبب اهمالك لحظك وبختك ولعبك بأعراض العالم ، وانت تدري هذا دين ينوخذ من شيب الخلفك .

#شتحس . . . من تطعن رجل متزوج بظهره وتخونه ويه زوجته لنشوة اقصى مدتها 15 ثانية !!

#شتحس . . . من مقشمرلك ع مراهقة وماخذ صورها وتصرف براسها وتهدد بيها !؟

#شتحس . . . من يمشي گدامك هذا الشريط وانت عبرت ال 50 وحيلك مات ، ومرتك عايفتك ، وابنائك وبناتك محتقريك وما يتذكرون شي زين بيك ، واستغلوا ضعفك وگاموا ما يحترموك مثل ما انت چنت مستغل ضعفهم .

#شتحس . . . من تشوف اخوك ، ابن عمك ، صديقك ، مستقر عائلياً ومرتاح ، وابنائه واصلين والله ساتر عليهم ، وانت خسران كل شي بسبب نزوة ، او رغبة ، او استهتار.
“قال رسول الله ﷺ “إنما النساء شقائق الرجال ما أكرمهن الا كريم وما أهانهن إلا لئيم”.