يمكن منافسات كاس العالم تصير عدنا عام 2200ب 6 محافظات بغداد البصرة الموصل اربيل الرمادي الكوت، حفل الافتتاح بحضور رئيس الجمهورية المنتخب دستوريا الرئيس ( المهوال سرباح ) مع حرمه المصون (فضة الساري ) ويحييه الفنانين عباس عنب . وتفاحة البغدادية وياهم مطربين عرب واجانب مباراة الافتتاح بين العراق ومنتخب الصومال المرشح للبطولة وهو الفائز بالبطولة السابقة اللي صارت بدولة بنما ومعلق المباراة (عبسي التلي ) شعار البطولة اسد بابل ومكتوب من نبوخذ نصر الى الرئيس سرباح العراق ينهض من تحت الحطام بذاك الوكت اغلبنا تحت التراب بس لو واحد ًالله نطاه عمر يشوف المترو المعلق والمترو تحت الانفاق ومخلين صورة صولاغ وكاتبين عليه ( الاب المؤسس للمترو ) وتشوف سماء بغداد طيارات تنزل من كل العالم حتى اكو مشجعين من اوربا واليابان جايين بالبرشوت والفيزة ياخذوه بالجو من مكاتب معلقة على الحدود وتصير مشكلة امريكي جاي بالبرشوت انطى الجواز مالته والضابط العراقي كله ممنوع الدخول عليك منع لان جدك العاشر قتل عراقيين اثناء الاحتلال عام 2003 الرئيس الامريكي بوش الخامس عشر من سمع بالمنع طلع بخطاب يهدد العراق يرد عليه الرئيس سرباح سوف ناتيكم الى عقر داركم وناخذ بثأر اجدادنا البطولة تصير على المحك واحتمال متصير الامم المتحدة والملوك والرؤساء تدخلوا بالقضية وطلبوا من رئيسنا سرباح التهدئة والحوار بدل استعمال السلاح رئيسنا وافق وقال كلام مؤثر نحن ليس طلاب حرب وانما دعاة سلام وتصير بطولة العالم واول مباراة احنه وكوستاريكا اللي من وصلوا البغداد ترسنا جوازات اللاعبين اختام حتى على الغلاف ختم فمن سأل رئيس الوفد ليش هواية اختام غير ختم واحد ضابط الجوازات جوابه منتخب اجدادكم قبل مئات السنين دكوا الناقصة ب اجدادنا وحان موعد الثار قبل افتتاح البطولة بيوم يطلع الحفيد العاشر لابو علي الشيباني متصير البطولة انتو ياهو انتو منو غدا مطر ورياح تقلع الملاعب والمدرجات العالم وكف على رجله من هذا التصريح بس الحمد ًالله والشكر حفيد القيصر غنى نصي ثلج نصي نار باجر افتتاح البطولة ببغداد بس اكو رياح ومطر تكتك على الشباك شخابيط بعد الستين.